المـربــوعــه
اهـلا وسهـلا بيك في المربوعه اول موقع رسمي لاغنينا لبدوية وتراثنا الاصيل يسعدنا ويشرفنا ان تسجل وتكون عضو معنا
تحيــاتي

رابـح الطلخـاوي

المـربــوعــه

أصـالـة وتــراث
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 يااااااابو عيون اتقول مشارا عقلي من خفتهم مارااااااااااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نايف كيشار
عضو فعال
avatar

عدد المساهمات : 93
السٌّمعَة : 2
تاريخ التسجيل : 08/05/2009
العمر : 32

مُساهمةموضوع: يااااااابو عيون اتقول مشارا عقلي من خفتهم مارااااااااااا   السبت مايو 09, 2009 7:31 am

السلام عليكم ورحمة الله وبركاته


من الاخير كل واحد فى في قبيلته يلبس يلى يبيه وانا نلبس فى حولى جرد يعني فى الزنتان وفجاءة البنت يلى نحبها قالتلى نحي العار يلى تلبس فيه هذا وحطلك نظارة واركب سيارة ودير سراول امريكاني وسبسي فى فمك وتبدا شخصية
مالقيتش شنى نقوللها قلتلها المجرودة هذي وتو تفهمو القصة سامحونى على الكلمات


مرحبتين اهلا ياحياتي...... مرحب ياسمح الصفاتي....... ودي نحكيلك حالاتى
حتي وحنا مفترقين
حتي وحنا من البابور........ فى الامتحان من اول دور...... منين مشا هو مسرور
وحنا جينا زعلانين
وحنا جينا حال العازة .........زي يلى ماشي فى جنازة..... قلبي تم زى القزازة
راح طروفه على ستين
تم على ستين قطاعي...... لالاما انكدس فى اوجاعي....... نحكيلك فى الشعر متعى
ديما تسمع فيه انين
ديما تسمع فيه اوجاعا....... هولى من نقراش اصباعا.......... نارا فى قلبي ولاعا
تارا هدا من التدخين
تارا فى الدخان رقايا ............. كاد يلى جاتا طفايا ............... ضالمني زولك يامنايا
وانا ما عندى فزاعين
انا ماعندى غير ابياتي ............ ديما تلقي شعري واتي......... يطري فى سمح الصفاتي
هلى حد حدود الزين

هلى حد حدود مرادي ............. هي حد الغاية وقصادي............ لامنه جاي ولا غادى
لا ليسار ولا ليمين
لا يسار ولا منه لوطا.................. لافوقه حاجة محطوطا .............. نبيها هي مضبوطا
من قصتها للكرعين
من كرعيها لقصتها .................. خلي نحكيلك قصتها ............. اضنى شيطانا لبستهايوم بعتث ورقةردتها
فيها رد يبكي العين
فيها رد بكل غرابة .....................منه على العيون ضبابا ............هكى يفكر مانحسبابا
تفكيرة هالمنحطين
تفكيرك هكا ياخسارة .................... تبينى انجيها بسيارة ............ والطاقية والنضارة
والامريكاني زي الاخرين
تبيني انجيها بسبسيا ....................والنظارة والطاقية ..................... قلتلها ماينفع بيا
غير لباس البدوين
قلتلها لباس جريدي.................... زى لبسة جدى زى سيدى.......... منتبع فى راي عبيدى
ولانحادي هالتنبالين
ولاانحاديهم هالتنبالة .....................ولانتبع اليهود قبالة ...............ولانسمع شريط هبالة
ولانتبع فى فنانين
ولا نتبع فى الرفس الزايد........... مانسمع من غير قصائد .............. بالصفرة من ناس جوايد
خيرة فن الليبيين
خيرة فن مع مجرودة ...................لكن مانخطوش حدودا ..................موضوعى لباس عقودا
نحكي للي مستمعين
نجكيلك يلى سامعنى.................هلى في صوبا ليعني ...............فى سوق الباطل بايعني
قاسي على الخاطر والعين
قسوك على الخاطر بكانا ...............لكن دنيتنا خوانا ..................لافلان تخلى ولافلانا
شوفي لصدام حسين
شوفي للقايد صدام .....................منين هاهي دارت الايام............. قعد غير عبرة للظلام
ولامن هو قال مسيكين
ولا من هو رايف على حاله............ وين خبيثه نسبوهاله ..................يستاهل طيح مزاله
لكن مانا ملزومين
مانا ملزومين عليها............. هالدوة ولانحكو بيها .........................نحكو على سود مياميها
عبرة ليها فى بيتين
عبرة كان تفكر باهي ................. وهي ماهي زيه واللهي........ كي ميزة زمزم على الشاهي
هي وين وهو وين
هو خاطينا مويالانا .............غير حكينا على الخوانا ......................من الدنيا ومن زول منانا
يلى فى الخونا مشتركين
ومانحسابك ياغداره................... ترضيلي فى الريق مراره............ نطلب من علام اسراره
يشطب اسمك من الحيين
يشطب من الحيين اسماكي............ نرتاحوا من هو بلاك................ يابجاه المولى نراكي
جثة تحت حيوط وطين
نلقوا غير القبر ترابا ...................... نرتاحوا من هول عذابا ................ويلى يسالنا الاجابا
قولت هذا مدفونين
قولت مدفونين محادى ....................نقبل فيه عزاي كبادي ..........ونرضا بما راضى الهادى
ولانخمم ولانبات حزين

يااااااابو عيون اتقول مشارا عقلي من خفتهم مارااااااااااا
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.eskindria.com/alex/
 
يااااااابو عيون اتقول مشارا عقلي من خفتهم مارااااااااااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المـربــوعــه :: الأدبيات والكلام الزين :: الشعر لبدوي الشعبي-
انتقل الى: