المـربــوعــه
اهـلا وسهـلا بيك في المربوعه اول موقع رسمي لاغنينا لبدوية وتراثنا الاصيل يسعدنا ويشرفنا ان تسجل وتكون عضو معنا
تحيــاتي

رابـح الطلخـاوي

المـربــوعــه

أصـالـة وتــراث
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 3 صبايا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نايف كيشار
عضو فعال
avatar

عدد المساهمات : 93
السٌّمعَة : 2
تاريخ التسجيل : 08/05/2009
العمر : 32

مُساهمةموضوع: 3 صبايا   السبت مايو 09, 2009 7:34 am

السلام عليكم ورحمة الله وبركاته
3 صبايا للفنان الراحل عوض بو عبد القادر المالكى رحمه الله عليه
ادلع يا لابس الرقيق اقرب يا بو مشي تلقليق
نا عندي في الراس نقايق وعنك ما نجحد لا شي
عنك ما نجحد لخبار ونحكي قدام الحضار
كلامي مو عيب ولاعار انقوله حتى في الرادي
نقوله نا راجل فنان وغاليين على العربان
عصارى واكرام وفرسان ولكني عادات زمان
اليوم ظلومه ع الشبان شكوا لي منهن ياحبان
ان كانوا مية شب اشوي ان كانوا مية شب اشوي
ان كانوا مية شب حكى وفيه اللي مضيوم بكى
وين حكالي حتا نا رق عزامي بكاني
رق عزامي وين حكالي بالموضوع شغل لي بالي
قالي واجد كيف امثالي صار الهم موساير لي
صار لهم موال طويل لقيته مضايق بالحيل
قتله احكيلي بالتفصيل وفهمني باللي جاري
وفهمني باللي جاريلك قالي نلقاني نحكيلك
بسم الله اول باديلك صلي معاي على الهادي
صلي معاي واسمع مني راني قسامي كادني
خذت ثلاث صبايا جني لاني لهن ولاهن لي
ماهن لي مغير قسامي والشايب ديما قدامي
يخلطلي من غير كلامي في اللي مانعرفها شي
في اللي مانعرف دوتا اول وحده في جيتنا
اسمع نحيلك قصتا جت ملفوفة في ملا يتا
من قبل انراعي خلقتا نقدت على تقنيعتا
ف الليل انكشفت نمرتا ساعة نوم بعد حوستا
لي غرض ننكش شوشتا مديت ايدي نا لجمتا
لاوين اتلصف قلتا قرعه مونابت لاشي
قرعه مافيها شعرات عطب جدود التزويجات
ف الصبح حلفت يمينات وقلت لهم ماتلزمشي
قلت لهم ماعد تلزمني طلقت وماحد كلمني
هذي فيها بوي ظلمني وخسرنا قيس الف جني
وخسرنا في هالبصيره قول بعدها درت مطيره
ربي سهل تمت خيره منها راق الحال شوي
منها راق تحسن حالي لميت فلوسي طوالي
خايف م العيشه زيوالي دزيت لشايبنا خالي
خذ القروش مشى نقالي ثاني وحده ياخوتي
ثاني وحده كي نقاها طبعا مااجادلت معاها
من بره تلصف راعها وامي قالت يامحلاها
فيسع ماجابوها لي فيسع ماجابوها لي
فيسع مالي جابوها من قبل اتجيني اشكروها
بوي قال مربيها بوها ماسمعت لها حس علي
ماسمعت ولافيها خفه جوني شاكرين وصايفا
قالوا كيف غزال الدفه ولها دور طوال اسفي
ولها دور طوال سفاتا ............... ( *)
والحس امي ماسمعاتا عندي بوي علي نياتا
قال هذي بنتا سكاتا ما يدرا بالمتواري
ما يدرى باللي مدسوس ومحسوبك ديما منكوس
بعد ماجابو لي العروس واصنت عد وايش اجري
واصنت كيف الها جيت اول ليله خايف تميت
عزقت جريدي وتغطيت وما بيت انكلمها شي
ومابيت بكلمه ننكشا راقد نين النوم دهشا
قلت انصبي ونفتشا بالك صلعه حتى هي
بالك قرعه يامطراي في كل زواج اندير حكايه
لكن رضى لي مولاي لاوين لها دور ثنايا
والسالف غطى الجوجي والسالف غطى الجوجي
والسالف راوي مدهون وخد وفيها زوج عيون
وشفه عنابي ف اللون سبحان الخالق ربي
سبحان الله الموجود اللي صور ضاوي لخدود
لها رقبه تاقت بعقود حديث يجنن ياخوتي
حديث يجنن ياحيين لها عدلة طول الكتفين
وتحت شوي البزونين وتنزل تلقى وسط يلين
الحاصل يلي مستمعين جميله مافيها شي شين
بها راق الخاطر والعين انحس الفرحه شالتني
حسيت اني فرحانبها لكن حاجه انريد سببها
لكن حاجه انريد سببها ماتردش كيف نواجبها
قلت ف راي بالي نحسبها تدلع بالحيل علي
تدلع لكن مظلومه لامو ثقل ولايش حشومه
لقيت فيها حاجه مفهومه لمباكر قلت لخالي
لمباكر قتله وديها هي سمحه ربي عاطيها
لكني بحاجه باليها طول الليل اناكش فيها
من ميلة بختي ثاريها خرسه ما تكلم شي
خرسه وديها وريحنا قبل مع الجيره تفضحنا
قال يابو بناخي سامحنا مادرناشي فيك اشوي
مادرناشي فيك بصيره تسترنا قدام الجيره
ثالث وحده لازم خيره هذي على الله وعلي
هذي على الله اتجيك تريح بالك وتهنيك
قتله مالي لوم عليك لومي غير على والدي
لايم ع اللي منهم فات خويلي قالي اللي فات مات
مشى لهم صحوا ف الرايات وباعوا الناقه والنعجات
وثالث وحده جابولي وثالث وحده جابولي
ثالث وحده جت من خالي وقالي هي اللي تريح بالي
اول جيتا طوالي قلت نشاكيها با حوالي
وباللي منهم صايرفي وباللي منهم صاير في
وباللي صاير قبل اتجيني قلت لها ياحبة عيني
مرحبتين وشرفتيني وانت اللي بكره اتساعديني
قالت لي وجهك باريني نوض امشي من قدامي
فز امشي من جنبي عدي نحسبها تضحك ياجدي
قالت نا بيدي من جدي قيسك ما تعرفنيشي
قلت لها عارفك ميدوبه بنت عرب كنتي محجوبه
ثاريت الشنعه مكلوبه صبت تمت تخنق في
ناضت ياخوتي خنقتني والله قبل الا قتلتني
ثاني يوم عجوزي جتني وتزغرت فرحانه بي
جتني فرحانه لقيت متخرب مسدانا
وخيك في حاله تعبانه قالت كنك ياولدي
قلت لها من خوك عطاني هالخزوق وفيه انعاني
من فضلك يايمي راني ماعدشي نزوج ثاني
مفيت ونا منقي بيدي مفيت ونا منقي بيدي
مفيت ونابيدي منقيها وتراعيني ونراعيها
وتفهمني كي نخزر فيها وتستر قدام اللي يجي
وتفهمني كيف انلاغيها وتستر قدام اللي يجي
تستر قدام الحضار ونا بصفتي راجل شعار
حكيت لخوتي باللي صار وننصح في اللي يتبعني
نصيحه مني للشايب اللي حابس حرية الشب
وناسي حاجه اسماها حب وعطف وشوق ونار اتهب
وياما قوى نار الغاوي وياما قوى نار الغاوي
ياما قوى نار العاشقين اللي لبعضهم مشتاقين
حلاوتها يبقوا خايفين ايقولوا الناقر ساع ايجي
يقولوا الناقر ساع ايتوق وحقك يالاوي العبروق
وحق الحب وحق الشوق انها الدنيا بالحب اتروق
ومن غيرا ماتسوى شي ومن غيرا ماتسوى شي

اعطب جدود التزويجات
ان صارن من غير الغيات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.eskindria.com/alex/
 
3 صبايا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المـربــوعــه :: الأدبيات والكلام الزين :: الشعر لبدوي الشعبي-
انتقل الى: