المـربــوعــه
اهـلا وسهـلا بيك في المربوعه اول موقع رسمي لاغنينا لبدوية وتراثنا الاصيل يسعدنا ويشرفنا ان تسجل وتكون عضو معنا
تحيــاتي

رابـح الطلخـاوي

المـربــوعــه

أصـالـة وتــراث
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 قصيده الطير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نايف كيشار
عضو فعال
avatar

عدد المساهمات : 93
السٌّمعَة : 2
تاريخ التسجيل : 08/05/2009
العمر : 32

مُساهمةموضوع: قصيده الطير   السبت مايو 09, 2009 7:38 am

بسم الله الرحمن الرحيم
السلام عليكم ورحمة الله وبركاته
قصيدة الطير للشاعر محمد فرج ارحيم الجميعي
هذه من أروع القصائد التي قيلت في بادية مطروح في حقبة السبعينيات وهي للشاعر (محمد فرج ارحيم الجميعي)، قال شاعرنا:
الله والنبي ياطير هيت اخباره
نظيف العضا ريدي بعيده داره
ياطير دير مروه
وسبل جناحاتك وعدي توه
ووصل سلامي لبو غثيث ملوى
بوخد لا قابل تقول فناره
ولاكما بارق وصادف نوه
عم الوطن كله السيل اجارى
ولرض صامت والفريق تروى
بعد اجداب ولت وطا خضاره
ياطير كي تمشيله
خوذ التحيه والسلام اتشيله
لسمح السهاري بوعيون كحيله
بو دور لانقض غلب ضفاره
يميح من سوقة نسوم اتشيله
ناعم رقيق وملتوي بعطاره
خرخوط خايل مالقيت مثيله
زايد علي لريل هميل القاره
خف العقل مني وحار دليله
صايف ويشكي كل يوم بناره
مسع رقد ساعه هني في ليله
علي مادبرت مالقيت ادباره
ياطير شاوي ما تجيبه حيله
الا ان طرت شوره وجبت منه ماره
نازل عليك ياطير كي تحكيله
بما ريت لاتجحد ولا خباره
ياطير يلا
واعمد ادياره بوعيون اكحله
وجيب الخبر حالا بمو صايرله
راه كي حالي مستشاق زياره
زماني مايل وزاد هو مايله
استعار وصوله من عرب نقاره
وافرد جناحك ولافوق تعلى
راه يتلاقوا عليك بالنضاره
الصياد منك راه شايل غله
ديما يتختل ف الحطب يذارى
فيك يتمنى ف الوطا نزاله
ينشن عليك ويعدله منظاره
استاقظ وراح هالشكل لا تامناه
وجنح سماوي ف السحاب توارى
ليله اثنين الثالثه توصله
زين الوصايف بوعيون سكارى
وحالي نظرته واجبده هو كله
رانا شقينا من لهايب ناره
ياطير جيب نباها
الحلوه هاللي بالغلا طانيها
وحقا نا من سبايب داها
العقل شاوي والعيون سمارى
وكنك مشيت بحالتي سهريها
وجيب الخبر منها وطير اطياره
واسمع الوصف بيش كي ترعيها
ترفرف عليها وتعطيها ماره
ربنا سطاها ماخلق خاطيها
زادت ع اللي مرتعه ف القاره
ياطير ياطاير
نوصفلك الغالي راه فيه مواير
لاهو طويل ولو م القصاير
مرادع الطول ومشيته بيطاره
لا وجه مظلم لا نظافه جاير
المولى جمع فيه الجمال وداره
الدور لانقض يميح ضفاير
وكلي الرقبه تحلف كما جماره
جماله طبيعي موش م اللي داير
زواق اصطناعي مضربه بعطاره
ياطير عدي شوره
صاحب غلاي ريدي جميل الصوره
نجي للوساد وفي ساعة اخطوره
نسمر وتحدر دمعتي قطاره
ان سهيت العين العقل يمشي شوره
ويرجع مروح منقلب ف افكاره
نلفنها بنيه
وزادت عللي مرتعه ف الخيه
رنة عقوده حس موسيقيه
جبينه هلال ومبتدى مظهاره
في جيتا
ديما سقيمه رادعه مشيتا
ودقت وشيمه تحت من شفتا
ولبست اشناف ومو قليل اسعاره
مو شوي اثمانه
طرزها المولى كي خلق سبحانه
صوابع ايديها م الختم منزانه
وديما خويله م العرب تذارى
لبست كساوي
وحاجب مظلم ع العيون مساوي
ياطير راح هيت منها حكاوي
تصحي العقل وتجلي جضاره
طار ومشاله
وخبر بحالي كيف ما قلناله
وجاني حزين ومنقلب ف سواله
وعاد يحكيلي كي بدا مشواره
بدا بسواله
وقال جيت العرب وكلهم مواله
في الضبعه ندور مالقيت مثاله
صاحب غلاك اذهبت عن موكاره
وساعة الجيه خطمت من ياله
نجوع وربيع ويختلف نواره
عدت علي بنت كي الغزاله
الباين عليها من اجواد عصارى
وتمشي بلباقه في لخطا عداله
جميله وخالت كي لوت بوطاره1
عرفته ريدك والجمال قباله
الحاصل مشيت وقول جيت لداره
اتريد الحقيقه سلمت الرساله
الخافي يبان وعليك ما يذارى
كيف وصلها
مرسول مني باعثه قاللها
ياريت ما خرف ولا قابلها
وياريت عاود ماكمل مشواره
شينك وخيذه حجروها هلها
وقسمت لواحد طرحهم بدياره
جا من شوره
صاحب غلاي ريدي سمح الصوره
جايب علل واجد وفيه خطوره
صيف العقل ويبسه نواره
اللي قبل ناره ف الحشا مكبوره
حجر علي وما طفت لي ناره
طالب جميع من قبته مشهوره
وحجره كبير ه مرتفع مقداره
ودوم الخلايق كل يوم اتزوره
ساعه بعد ساعه يكثروا زواره
تفزع معاي تجيب باب النوره
وحرك بناديرك ودير ادباره
وانتو ياللي ف العياط اصقوره
عيت بو صمايد خضر يابنداره
يامن حجر عني اليوم سافي دوره
انعنه طليب وفي الخلا يذارى
لا يجي لا والي ولاقريب ايزوره
مشخشب وعايش ف الحياه اخساره
يوم ف لحقاف ويوم في لقعوره
وحاله صغا في جرته دواره
تمن حكاوي
وراحن ايامه بو قرون ملاوي
الدنيا معانا تنتقم ما تاوي
وديما علينا بالشقا دياره
لاقت وجابت اوقاتا زهاوي
ولفت وخانت طبعها غداره
دنيا قديمه مشيها عكساوي
وتاجر الدنيا مربحه لخساره
وين اوقاته
غالي قديم العين ما نسياته
ودر غلانا ياس خذ غاياته
معاي تفاسل بيها ياخساره
والعقل شاوي ضاله راياته
والعين ديما في خفا ذرذاره
والله والنبي ياطير هيت اخباره
نظيف العضا ريدي بعيده داره
--------------------------------------------------------------------------------
1-بوطاره : المحزم ويطلق عليه كذلك محزم طلياني وهو من الصوف الخالص ويبلغ طوله اربعة امتار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.eskindria.com/alex/
 
قصيده الطير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المـربــوعــه :: الأدبيات والكلام الزين :: الشعر لبدوي الشعبي-
انتقل الى: