المـربــوعــه
اهـلا وسهـلا بيك في المربوعه اول موقع رسمي لاغنينا لبدوية وتراثنا الاصيل يسعدنا ويشرفنا ان تسجل وتكون عضو معنا
تحيــاتي

رابـح الطلخـاوي

المـربــوعــه

أصـالـة وتــراث
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 الدخيل عند البدو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نايف كيشار
عضو فعال
avatar

عدد المساهمات : 93
السٌّمعَة : 2
تاريخ التسجيل : 08/05/2009
العمر : 32

مُساهمةموضوع: الدخيل عند البدو   السبت مايو 09, 2009 7:59 am

بسم الله الرحمن الرحيم
السلام عليكم ورحمة الله وبركاته


الاول: الطريد

الطريد هو اذا وقع الشر بينك وبين خصيمك ولحقته
وفي اثناء ملاحقته واتجه على بيت او قطين بدو وهو يستفزع
هنا انت يجب عليك تمتنع عنه اذا دخل في حدود البيت وحدود البيت
عند البدو هي حذفة عصى من البيت <<< وهذا مقياس المسافه

واذا صوبته وهو حول البيت يجيبون رجال نشيط ويعطونه عصى تقارب عصى الراعي ويخلونه يرميها بكل قوته واذا تعدت المكان اللي صوبت فيها الطريد يركبك الحق ويستقضي منك راعي البيت على حسب العرف اذا ذبحته الرد يكون مربع يعني القضا اربعه الا اذا جا فيها صلحه
واذا هي طقة عصى وتصويب لها غرم مال او صلح

وهذا طريقة دخلته حلوه اذا كان راعي البيت غايب يدخل البيت وانت تلحقه ويقومن الحريم بطرح بيت الشعر عليه كنايه على انه صار من حرمة البيت

اما اذا اصابتك له كانت خارج حدود حذفة العصا فهو ما زبن وخصومته معك تبقى بينكم

الثاني : المنيع
المنيع هو اذا وقعت غزوه او معركه وقط خصمك سلاحه او صوبته وفقد قدرته على القتال هنا يستمنع عليك ولا يبقى له عندك الا حق الدخيل اللي هو الحمايه والعلاج اذا لزم وعقبها تطلقه بدون لا تضره

والثالث والاخير واللي له انواع هو دخيل البيت او طريح البيت اللي يزبن عليك ويطيح في بيتك

اولها دخيلك وانت خصمه

هذا النوع من ابرز معاني الشهامه عند اهل الباديه
يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات
تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه

وثانيها دخيل" واقف شليل"

وهذا اذا صارت الخصمه بين عيال عمك وانت طرف ثالث يعني ما تقدر تميل مع احد ضد احد في هذه الحاله تدخله" واقف شليل "
وهو انك تدخله بوجهك وترافقه الى ان توصله ناس يزبنونه واذا وصل ينتهي دورك

والثالث طريح البيت وهذا النوع اشدها وطولها مده واكبرها قدر
وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه
يبي احد يتوسط ويسوق جاهه وماله ويحاول يحل الموضوع بالحكمه وتراضي او بالقضاء واذا صار الدخيل مظلوم وجايه جور ينصره وتصل للحروب


وهذي القوانين وضعت عشان لا تكون الدعوى متروكه لثورة الغضب وتصير اخطاء وتعالج باخطاء اكبر
ولم توضع لحماية الجاني بقدر ما وضعت لكي تهدء النفوس ويجدون الفرصه والوقت للحل الذي يكون عادل.



مع تحيات
شيخ العرب
نايف كيشار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.eskindria.com/alex/
 
الدخيل عند البدو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المـربــوعــه :: الأدبيات والكلام الزين :: مربوعة القصص والروايات-
انتقل الى: